“HINDI BA talaga ako puwedeng makakuha ng kahit na anong means of transportation pabalik ng Maynila? Kailangan ko na talagang bumiyahe para hindi ako magahol sa oras kung sakaling mabigat ang traffic papuntang airport.”
“Sorry po talaga, Ma’m. Masyadong malakas ang ulan at hangin at delikado na para sa kahit na anong sasakyan ang bumiyahe palabas ng Stallion Riding Club. Isa pa, instruction ng management na walang sinoman ang hahayaang makaalis pa rito mula kaninang alas otso ng umaga dahil nga sa sama ng panahon.”
Kanina pa nangungulit si Chiza sa information personnel para nga makaalis na ng Stallion Riding Club. Hindi na kasi niya naabutan pa kanina ang buong entourage ng mga kasama niyang nagdaos ng convention doon. Inabot pa kasi ng isang oras mahigit bago siya nasundo sa bahay
