Walang kadala-dala. Sa totoo lang gusto kong batukan si Clarita. Umiiyak siya. Nagpapakalasing. Akalain mo ba naman binigyan ng second chance ang manlolokong Hanz na iyon. At niloko naman siya. Cool pa nga ako sa harap niya e, hindi tulad ni Anya na kanina pa tumitirik ang mata sa inis. Panay din ang sisi niya kay Clarita.
Tinawagan nila ako. Emergency daw. Kinabahan ako dahil akala ko kung ano na, iyon pala nagwawala na sa isang mumurahin na bar si Clarita at hindi na makaagaapay sa kalasingan.
Talagang brokenhearted ang lukaret.
"Ano ang gagawin ko? Hindi ko kayang mawala siya!" Umaatungal si Clarita. Naglalakad kami sa kalsada dahil inilalagpasan lang kami ng mga taxi na dumadaan. Wala sanang problema kung kasama namin si Angel kaya lang may date na naman sila ni Marcus. Niyaya nga
