Kimberly Marquez
MULA sa suot kong pajama pantulog, agad akong nagpalit ng damit nang marinig ko ang pagtawag sa 'kin nila mommy mula sa ibaba. Ang totoo, wala na sana akong planong tumayo mula sa pagkakahiga sa aking kama dahil alam ko namang sasabihan lang nila akong kumain, pero wala naman akong ganang kumain.
Ngunit nang marinig ko ang sinabi nilang nandito ngayon si Seven sa bahay, tila may sariling buhay ang aking katawan dahil gumalaw ito nang kusa at nagtungo sa kabinet at kumuha ng pamalit na damit.
Aligaga ako dahil wala naman kaming usapan ni Seven at hindi naman niya sinabing bibisita siya ngayon.
"Anak, matagal ka pa ba?" muling sigaw ni mommy mula sa ibaba. Tila sinasadya niya ang sigaw na iyon upang iparinig kay Seven na matagal akong mag-ayos.
"Pababa na, ma!" sigaw ko
