Kimberly Marquez
NAKAILANG lunok na ako ng laway dahil sa bagay na sinabi ni Jenny sa akin. Matapos ang pag-uusap na iyon, lumabas ako na animoy nanginginig ang tuhod dahil sa pabor na kanyang hinihingi.
Alam kong para ito sa kompanya pero kilala ko kasi si Seven. Pareho kaming may matigas na ulo, saka alam kong ayaw na ayaw niyang mangingialam ako sa buhay trabaho at ganoon din naman ako sa kanya.
Sa pag-upo ko sa swivel chair dito sa aking station, ramdam ko ang walang gana kong katawan matapos isandal ang likod sa backrest. Hanggang ngayon ay hindi ko pa rin alam kung paano ko tutulungan si Jenny o kung paano ko tutuparin ang hinihingi niyang pabor sa akin. Napakamot na lang ako sa ulo dahil sa kalituhan.
Isang malalim na buntong hininga ang aking ginawa, saka pilit na pinakalma ang
