Kimberly Marquez
SA PAGHAGIS ng aming toga sa ere, ang lahat ay sumigaw sa tuwa dahil sa wakas ay dumating na rin ang araw ng pagtatapos. May ibang umiyak. May ibang nagbigay karangalan sa pamilya. Ako naman, nakapagtapos ng cumlaude na nagbigay karangalan sa pamilya ko. Si Seven naman ang naging suma cumlaude ng school. Halo-halo ang emosyon na nararamdaman ko habang ang mga bagay na ito ay nangyayari. Hindi ko masabi kung ako ay masaya o malungkot dahil sa totoo lang, naglalaban ang takot at kaba sa loob ko. Sa kabilang banda, masaya ako dahil sa wakas ay isang kabanata na naman ang natapos sa aking buhay at haharapin ko na ang totoong mundo.
Nakaka-excite at nakakatakot, ngunit alam kong ang lahat ay dumaan sa ganito. Malungkot dahil iiwan ko na ang mga taong nakilala ko sa school. An
