Kimberly Marquez
ANG LAHAT ay napasinghap nang makita namin ang isang kamay na pumunit sa mga papel na nakasulat sa bulletin board. Maging ako ay nanlaki ang mga mata nang makita ang pangyayaring ito.
Sa aking paglingon upang tingnan kung sino ang may gawa, nakita ko ang galit na galita na mukha ni Seven habang nakatingin sa mga estudyanteng nakapaligid sa akin. Hawak niya sa kamay ang mga papel na pinunit niya kanina.
"Sinong may gawa nito?" malakas na sigaw ni Seven dahilan upang mapatalon ang balikat ng lahat.
Wala ni isa ang nagsalita. Wala ni isa ang nais magturo kung sino ang may gawa o kung may nakakakilala man sa gumawa nito.
"Walang sasagot?!" muling sigaw ni Seven.
Dahil sa ginawa niya, nabakas ang takot sa mukha ng mga estudyante sa paligid. Ito ang unang beses na makita n
