Kimberly Marquez
MABILIS kong nilagay sa bag ang cell phone. Hanggang ngayon ay nanginginig pa rin ang aking kamay dahil sa nakitang mensahe na iyon. Hindi ko alam kung ano ba dapat ang maramdaman ko ngunit sa ngayon, nasasaktan ako.
Ayokong maghinala sa kanya. Hanggang sa maya-maya lang, naramdaman ko ang pag-vibrate ng aking cell phone. Muli ko itong kinuha sa bulsa at tiningnan. Nagulat na lang ako nang makita ko sa screen ang pangalan ni Seven at tumatawag siya sa akin.
Mariin akong napalunok habang nakatingin sa cell phone. Ilang buntonghininga pa ang aking ginawa at nanginginig pa ang daliring pinindot ang answer button.
"H-Hello?" nauutal at basag ang tinig kong saad.
"Bakit ganyan ang boses mo?" tanong niya sa 'kin mula sa kabilang linya.
Bahagya akong nakahinga nang maluwag
