Kimberly Marquez
NAGSIMULANG maghiyawan ang mga tao sa paligid nang patayin ang ilaw sa buong field. Tanging spotlight na lang na nakatutok sa gitna ng fashion hall ang kanilang nakikita.
Ang lahat ay nasasabik na manood at makita ang mga modelo at ang bagong damit na ilalabas ng fashion club at siyempre, excited din sila kay Seven at Mark na muling magsasama sa iisang entablado.
Kalat na ang dilim sa paligid. Halos alas-otso na rin ng gabi at nakahanda na ang mga tao upang panoorin kami. Sa kasalukuyan, nababalot pa rin ng kaba ang aking puso dahil first time kong gagawin ang bagay na ito. Kaba na may halong excitement dahil sa wakas ay magiging totoo na ang lahat ng ni-rehease namin.
Hinawakan ko ang aking dibdib at tahimik na pinakiramdaman ang aking puso. Maya-maya lang, sumilay an
