Kimberly Marquez
TULALA ang aking mata habang naglalakad sa hallway ng campus. Hanggang sa maya-maya lang, naputol ang aking iniisip nang makaramdam ako ng kamay sa aking balikat.
"Hoy! Tulala ka yata?"
Napalingon ako sa aking likod nang marinig ko ang tinig na iyon at nakita ko si Daisy.
"I-Ikaw pala, may iniisip lang ako," wika ko saka pilit na ningiti ang labi.
Sabay kaming naglakad sa hallway at nagkuwentuhan.
"Mukha ngang malalim ang iniisip mo, ah," aniya. Napansin ko ang paglingon niya sa paligid na animoy may hinahanap. "Nasaan ang boyfriend mo?" tanong niya sa 'kin.
"May inasikaso lang siya. Bakit?"
"Ah... Wala lang, hindi kasi ako sanay na hindi kayo magkasama."
Nang marinig ko ang bagay na sinabi niya, muli ko na namang naalala ang nalalapit naming paglilipat ng bahay.
