"Okay ka lang, ate?"
Napalingon ako kay Kayla mula sa pagtanaw ko sa bintana, sa madilim na kapaligiran. Gabi na at naririto na ako ngayon sa probinsya namin. Kaninang umaga ako inihatid ng helicopter ni Drake kasama ang mga tauhan niya, at naiwan ang apat sa kanila para magbantay sa akin.
Kaagad kong nginitian si Kayla. "Ayos lang."
Yumakap siya sa akin mula sa likod ko. Bumalot naman sa akin ang init ng mga braso niya. Nasabi ko na sa kanila kanina ang nangyari at totoong ginawa ni Drake sa lupa namin, pero parang hindi man lang sila gaanong naapektuhan. Ganoon din si Norris. Mukhang nagbago na ang tingin nila kay Drake ngayon.
"Siguradong bukas lang, naririyan na si Kuya Drake. Hinding-hindi ka matitiis no'n. Ganun siya kabaliw sa 'yo."
Napailing na lang ako habang bahagyang natat
