NANG MAGISING akong muli ay maliwanag na ang buong paligid. Wala na si Drake sa tabi ko, pero nalalanghap ko pa rin ang amoy niya sa unan at kumot, na nagpapaalala sa akin ng mga yakap at halik niyang hindi pa tuluyang lumilisan sa aking balat.
Napahaplos ako sa leeg ko; ramdam ko ang bahagyang init na iniwan ng kanyang mga labi. Napangiti ako, at naalala ang mga bulong niyang puno ng pagmamahal at pananabik; ang paraan ng paghawak niya sa akin, na banayad ngunit mariin, na parang gusto niyang ipaalala sa akin na ako lang ang sa kanya.
Dahan-dahan akong bumangon, at pilit pinakalma ang mabilis na t***k ng puso ko. Hindi ako makapaniwala na ganun pala ako karupok. Ni hindi ko rin siya natiis kahit sa loob ng isang araw man lang. Napakabilis lumambot ng puso ko pagdating sa kanya.
Isinuot
