ONE-WEEK kaming nag-stay ni Drake sa Mindoro. Sinulit namin ang aming bakasyon sa tahimik at payapang probinsya. Nasilip niya ang ginagawang bagong bahay namin na siyang magiging bakasyunan na rin namin sa tuwing uuwi kami doon. Malaki ito at maraming kwarto, na nakatayo sa gitna ng malawak na lupain namin na napapalibutan ng luntiang halaman at matatayog na mga puno.
Sa bawat araw na lumipas ay unti-unti niyang natutunan at na-appreciate ang buhay sa bukid. Nag-enjoy siya sa pag-aani ng mga pananim, habang dama ang init ng araw at amoy ng sariwang lupa. Masaya siyang tumulong sa pagpapastol ng mga alagang kalabaw, baka, at kambing sa malawak na damuhan, hinayaan niyang maramdaman ang simpleng buhay na malayo sa pagmamadali ng lungsod.
Maging sa pagpapakain ng mga manok at baboy ay sinub
