Lea Adino
"HOY! Okay ka lang?"
Bigla akong napalingon kay Emelyn, kasamahan ko rito sa trabaho. Kakaupo lang niya sa harapan ko matapos ilapag ang tray ng pagkain niya sa mesa. Gaya ng nakasanayan, sabay kaming nagbe-break, pero ngayon ay halata ang pag-aalala sa mukha niya habang nakatitig sa akin.
"Kanina ka pa tulala, pagpasok mo pa lang. Siguro na-bully ka na naman sa school, no? 'Yong grupo na naman ba ni Verna? Naku, 'yong babaeng 'yon talaga. Huwag na huwag ko lang talaga siyang makakasalubong sa kalsada, ingungodngod ko siya sa tae ng kalabaw!"
Napabuntong-hininga ako at marahang umiling. Hindi ko alam kung matatawa ba ako sa sinabi niya o ano. "Hindi. Hindi ganun?"
"Hindi ka na-bully ngayong araw? Himala 'ata 'yon." Tiningnan niya ako nang may pagdududa at halatang hindi nani
