"Totoo? Papa mo si sir?" napahinto ako sa pagpasok sa sala dahil sa tanong na iyon ni Elio.
"Oo, Elio. Tapos magkapatid si Mama Andeng at Mama Anais. Ibig sabihin ay magpinsan tayo." Nasabi ko rin kagabi iyan bago kami natulog. Tumatak din pala sa isip ni Tempest iyon.
"Talagaaaa?" inosenteng-inosenteng ani ng bata. "May papa ka na, Tem-tem kambal? Tapos magpinsan tayo?"
"Oo nga! Ang saya 'di ba?"
"Oo naman. Ang saya-saya naman no'n."
"Hindi ka malungkot na hindi tayo magkapatid sa papa?" saglit na nag-isip ang bata.
"Hindi. Masaya nga ako kasi may papa ka. 'Di ba lagi mo sinasabi sa akin na gusto mo ng may papa?"
"Oo, kagabi tinupad ni mama iyon."
"Pwede ko rin kaya tanungin si mama ko?" tanong ni Elio.
"Anong tatanungin mo?"
"Kung pwede n'ya akong bigyan ng papa."
"Pero may pa
