Uuwi na kami sa San Ildefonso. Hindi na rin kasi kami pwedeng magtagal pa dahil simula na ang eskwela ng dalawang bata. Nagkasundo ang lahat na hahayaan muna kaming bumalik sa barrio, maghihigpit na lang ang security sa hacienda para makatiyak na safe kami.
"Hoy, saan kayo galing?" tanong agad ni Aling Bajing sa akin na akala mo'y wala kaming issues.
Papasok pa lang kami sa tarangkahan. Si Storm ang naghatid sa amin pero dahil may tawag galing office ay nagpaalam din ito at hindi na bumaba. Babalik na lang daw ulit ito.
Nagkausap na kami tungkol kay Tata Simo. Wala pa pala talaga si Tata Simo rito sa hacienda. Kasa-kasama pa rin nila Janel at Pamara.
Ayon din kay Storm na naka-monitor na ang bawat galaw nila kaya naman kung may masama silang gawin ay walang magiging problema dahil maha
