Sa ilang oras kong pagtatrabaho roon ay alam ko na kung sino ang makakasundo at hindi ko makakasundo. Mahirap din ang trabaho na ginagawa ko dahil puro kami encode roon at nakakalito pa ang mga numbers. Ingat na ingat ako sa ginagawa ko dahil kapag nagkamali ka ng isang beses, lahat nang na-encode mo ay damay at kailangan mo 'yon ulitin.
Sa kalahating araw ko rin dito ay napansin kong marami ngang umaaligid na babae kay Jacob dito. Hindi ko naman masasabi na hindi magaganda ang mga employee nila dahil hindi naman totoo. Gusto ko rin tuloy siyang dalhin sa kompanya namin para makita ko kung may mga mahaharot ding babae na aaligid kay Jacob katulad ni Anna at Grace.
"Luna, tama na muna 'yan. Lunch break na," sabi sa akin ni Maureen nang lumapit ito sa akin.
Napaangat naman ang tingin ko s
