Sa sobrang antok ko sa gabing iyon ay nakatulog ako agad at hindi ko na alam kung ano ang huling napag-usapan namin ni Jacob. Ang naaalala ko lang ay ang pag-uusap namin tungkol kay Alonzo.
Kinabukasan naman ay maaga na naman akong nagising at wala na rin ang sakit ng paa ko. Nangawit lang naman iyon kaya alam ko sa sarili ko kagabi na kapag gising ko ngayong umaga ay wala na rin iyon. Ngayon ang press conference ko pero hindi ko alam kung ano'ng oras dahil hindi naman agad nasabi sa akin iyon ni Ate Sofie at ni Hailey na personal assistant ko kaya naman maaga akong gumising.
Katabi ko pa rin si Jacob at akala ko ay tulog pa siya pero nang lumingon ako sa kaniya ay kita ko ang dalawang mga mata niyang mulat na mulat habang nakatingin sa akin. Agad akong pinag-initan ng pisngi dahil hindi
