Tuluyan na nga akong walang nagawa sa kagustuhan ni Mommy kaya naman pumayag na lang din ako. Hindi ko pa nasasabi iyon kay Jacob pero tingin ko ay wala rin naman siyang magiging problema sa desisyon ko.
"Magkikita ba kayo bukas ni Jacob?" tanong sa akin ni Daddy.
Kumakain na kami ng dinner ngayon sabay-sabay dahil kagigising lang ni Ayana at hinintay pa namin.
"Baka hindi po muna, Dad. May trabaho siya and ako naman ay pupunta sa studio ng isang chanel for my photoshoots. Si Jaimie ang kasama ko bukas," sagot at paliwanag ko sa kanila.
"Nasabi mo na ba 'yan sa kaniya? Dapat ngayon pa lang ay nagu-update kayo ng gawain sa isa't-isa," si Mommy naman ngayon ang nagsalita.
Napatango naman ako muna bago sumagot dahil ngumunguya ako ng pagkain ko. Nang tuluyan ko namang malunok 'yon ay tsa
