Ilang araw nga na naman ang nakalipas simula nang maipakilala ni Ayana ang manliligaw niya. Hindi pa naman daw niya ito sinasagot kaya hindi ko napigilang mapatanong kung sino ang pipiliin niya sa dalawa kung sakali. Kung si Jayson ba o si Clyde dahil alam kong nagkakausap din sila ngayon ni Jayson. Ang sagot naman niya sa akin ay si Clyde dahil matagal na raw niya itong kilala at malaki raw ang pinagsamahan nilang dalawa kaya natawa na lang ako at sumang-ayon dahil ayos din naman si Clyde.
Ito ang huli kong araw dito sa Pilipinas dahil bukas ay lilipad na ako papuntang new york. Mamaya ay may family dinner kami kasama ang pamilya ni Jacob at para na rin makapagsama-sama kami bago tuluyang umalis dahil kasama ko si Jacob.
Abala ang lahat sa bahay at talagang hindi sila pumasok sa trabaho
