"ANO?! ABA'T HATING-GABI na pero wala pa rin iyang si Uriel. Sinubukan mo na ba siyang tawagan, anak?"
Napabuntong-hininga si Daisy. "Opo pero hindi naman po siya sumasagot. Unattended po siya. Ilang ulit ko pong sinubukan pero wala ayaw niya po talagang sagutin."
"Naku, kinakabahan na ako, anak. Baka mamaya'y nambababae na ang lalaking iyon."
"Hindi naman po siguro, papa. B-Baka abala pa siya sa pagtatrabaho. Huwag po kayong mag-alala dahil maayos naman po ako. Tumawag po ako kasi hindi po ako makatulog pero syempre, para kumustahin kayo. Ayos lang ako, papa at baka mayamaya'y nandito na siya. Kailan po kayo bibisita rito, papa?"
Hindi sumagot ang papa niya bagkus ay narinig niya ang ilang ulit nitong pag-ubo. "Sa susunod, anak. Masama lang ang pakiramdam ko."
"Nagpa-check up ka na b
