"ATE, AYOS LANG po ba kayo?"
'Pagpasok na 'pagpasok pa lang ni Daisy sa loob ng bahay ang bumungad na agad si Cecilia sa kaniya habang hawak ang anak niya.
"O-Oo, ayos lang ako. Bakit mo binuhat ang anak ko?" tanong niya.
"Umiyak po kasi si Uziel, e, ate kaya binuhat ko. Inalo ko po kaya tumahimik siya agad," nakangiti nitong sagot.
Nanlaki ang mga mata niya. Tama ba siya ng pagkakarinig? Hindi siya maaaring magkamali dahil narinig niya mismo sa bibig ni Cecilia ang pangalan ng anak niya. Ang malaking katanungan ay paano nito nalaman ang pangalan ng anak niya? Hindi pa naman niya ito pinapakilala. Bahagyang nag-alala si Daisy para sa anak niya. Parang may mali na hindi niya alam. Tama bang pagkatiwalaan niya si Cecilia? Pero mukha naman itong mabait at maasahan.
"Paano mo nalaman ang
