BUMALIK NA SA loob si Hugo para tumakas. Hindi siya maaaring manatili rito nang matagal dahil baka may iba pang plano si Katarina sa mag-ina niya. Kahit may iniinda sa katawan, tinungo pa rin niya ang pinto. There's only one way to escape from here. Nang akmang bubuksan na niya ang pinto nang bigla iyong bumukas. At dahil hindi siya agad nakaatras, natumba siya sa sahig at lumapat pa ang sugat niya na nagpadaing sa kaniya.
"Gising ka na pala. Ito, pagkain."
Pumasok ang isang lalaki sa loob saka ipinatong sa kama ang hawak na tray. Makakalabas lang siya rito kung may gagawin siya sa lalaki. Kinuha niya ang isang saklay at walang pagdadalawang-isip na hinampas iyon sa lalaki. Nang matumba ito ay ura-urada siyang tumayo at mabilis na naglakad palabas ngunit hindi pa man siya nakakaapak sa l
