(Haylee)
“GO, Champ!” naki-cheer na rin ako sa mga kasamahan kong sumusuporta kay Dominic dito sa bleachers sa kasalukuyang laban niya. “Nic, go kaya mo ‘yan!”
Nasa isang city competition kasi siya ngayon at siya yung napili ng Siyudad na irepresenta sa laro kalaban yung mga taga-iba pang Siyudad sa aming rehiyon.
Masasabi kong napakahigpit ng labanan ngayon lalo pa’t alam kong hindi basta-basta ang mga nakakalaban ni Dominic, halatang mga na-trained din ng maigi sa mga lugar na pinanggalingan ng mga ito, kaya nga ngayon ay pumapangatlo lang si Dominic sa mga nangungunang makarating sa finish line.
Lumakas pang lalo ang hiyawan at tilian nang maabutan niya ang pinakanangunguna at ibinigay niya ang buong lakas at ang kanyang buong bilis kaya naipanalo niya ang laban. Tunay nga'ng kampye
