(Haylee)
“AKALA ko ba magda-dine in tayo, Haylee?” tanong ni Dominic sa akin nang maupo kami sa isang table sa tea shop malapit lang din sa eskuwelahan kung saan niya ako dinala.
No’ng tinanong kasi ako kanina ng service crew kung dine in or take out sa pinili naming milktea ni Dominic, ang sabi ko for take out lang.
“Take out na lang, Nic. ‘Diba nasabi ko na kanina sayo, kailangan kong umuwi kaagad ngayon dahil may mga gagawin pa ako, at kailangan kong magpasa ng requirements or else magkaka-penalty na naman ako sa office kapag na-late,” marahan kong paliwanag sa kanya.
Hindi na siya nagsalita pa, tumungo na lang at tumanaw sa bintana. Kita ko sa mukha niya ang pagkabanas pero pinipili na lang niyang huwag magsalita at manahimik na lang talaga. Hindi na lang din ako nagsalita hanggang
