(Dominic)
“HI. Alone?”
Napatingin ako sa seksing babae na naupo sa stool sa harap ng bar counter katabi ng sa kung saan ako nakaupo. Kasalukuyan akong nasa loob ng bar na palagi kong pinupuntahan kapag may problema ako o ‘di kaya’y gusto kong magpakalunod sa paglalasing.
Tiningnan ko lang ito tapos tumungo ako at hindi siya pinansin. Pasensya na pero wala akong panahon sayo, binibini.
Nakuha naman kaagad nito ang ibig ko kung kaya’t iniwan din ako.
Pagkabigay ng bar tender ng isang bote ng alak na in-order ko, pumunta ako sa isang bakanteng sofa at doon na patuloy na nag-iinom. Nakakatatlong bote na ako sa pagkakatanda ko pero pakiramdam ko, kulang pa din. Kulang pa din dahil kahit anong gawin ko, hindi pa rin ako makalimot. Kulang pa din dahil ramdam na ram
