"KUMUSTA naman ang pamilya mo, Hija?" tanong sa akin ni Don Miguel.
Kumakain na kami sa mga sandaling iyon. Kanina pa rin sila nag-uusap ng anak at mga apo, pero iyon ang unang pagkakataon na kinausap niya ako.
Akala ko nga ay hindi niya ako kakausapin at ayos lang din naman sa akin kung hindi. Ang totoo ay kinakabahan pa rin ako. Hindi ko nga magawang malasahan ang pagkain na nasa aming harapan. Na-miss ko pa man din ang mga luto ni Ate Delia.
"Maayos naman po sila Don Miguel. Kasama ko po sa villa ngayon ang stepmother ko at dalawang kapatid na lalake," sagot ko sa tanong ng matanda.
"Stepmother?" nagtatakang ulit niya at nadagdagan ang linya sa noo. "Bakit, hija, nasaan ang tunay mong ina?"
Dalawang nanay ang nasa isip ko sa tanong na iyon ni Don Miguel- ang biological mother ko
