"CHAY!"
Sinugod ako ng yakap ni Thelma. Natatawang niyakap ko rin siya. Parang kailan lang naman no'ng huli kaming nagkita. Pero talagang nakaka-miss dahil noong nasa apartment pa kami ay araw-araw kaming nagkikita. Napalayo kami sa kaniya nang lumipat kami sa mansion ng mga Edades. At mas napalayo nang husto nang itira kami ni Royce sa Villa Vigliotti.
Pagkakalas ng yakap sa akin ay inilibot agad ni Thelma ang tingin sa paligid at huminto sa mismong bahay. Nakita ko ang pagkamangha sa mga mata niya.
Ngumiti ako at sinabayan siya sa pagtingin-tingin sa paligid. Mula sa Tagaytay City kung saan kami huling nagkita ni Thelma ay pinasundo ko naman siya kay Manong Larry. Iyon ay sa kagustuhan na rin ni Royce. Sa pag-uusap kasi namin ay may pagkakataong nababanggit ko ang pangalan ni Thelma
