"K-KUYA Russel... "
Nag-alangan akong lapitan siya. Alam kong masama ang loob niya sa akin dahil sa lahat ng mga nangyari. At ngayon naman ay kailangan kong ipaliwanag kung bakit may warrant of arrest din si Tita Jona.
"Binisita ko lang si Papa..." wika ko.
Tumango siya. "G-galing ako sa presinto..." Itinuon niya ang tingin kay Papa, bakas sa mukha ang matinding lungkot at pag-aalala. "Inaresto nila si Mama, 'Pa..."
Bahagya akong napayuko. Hindi ko pa iyon nababanggit kay Papa dahil iniisip ko pa kung paano ko sisimulan. Nilingon ko siya na gulat na gulat sa ibinalita ni Kuya Russel.
"S-si... Jo-Jon-na...?"
Umiiyak na tumango si Kuya Russel. Para tuloy hindi siya ang Kuya Russel na nakilala ko na masayahin at mapagbiro.
"N-na... naaawa ako kay Mama..." At tuluyang nabasag ang bos
