Ria
BINUKSAN ko ang pinto ng silid ni Daeria, at natanaw ko ngang mahimbing pang natutulog ang dalawang bata sa kama.
Niluwagan ko ang pinto para masilip rin sila ni Jonnel.
"Natutulog pa sila. Papasok ka ba?" tanong ko sa kanya. Sumilip na rin siya sa loob.
"Hindi na, para hindi ko na sila maistorbo pa," sagot naman niya. "Masyado pa namang maaga." Sumulyap rin siya sa relo niya.
"Sige, maya-maya naman ay gigisingin ko na rin sila."
"Okay, thank you. Lalabas muna ako." Lumayo na siya ng bahagya.
"Okay. Ingat and enjoy."
"Thanks. Is Daemon still asleep?" muli niyang tanong kahit nakailang hakbang na siya palayo.
"Tulog pa siya, eh," nakangiti ko namang sagot.
"Yayayain ko sanang mag-jog," aniyang muli.
"Nag-jog na siya sa panaginip niya."
Napalakas bigla ang tawa niya. Kumaway
