Ria
"Ma'am Ria, alam niyo po ba?" Lumapit sa akin si Nida at bumulong. "Inalok ni Sir Jonnel si Yaya Erlinda ng kasal."
Bigla akong napalingon sa kanya sa gulat. "T-Talaga?" Namilog bigla ang aking mga mata.
Bigla naman siyang ngumisi. Nilingon pa niya si Belen na abala sa pagluluto ng itlog.
Lumingon rin sa amin si Belen at ngumiti. "Lagot ka kay Yaya Erlinda. Ipinagkalat mo na ang sikreto nila," aniya.
"So, ibig sabihin, totoo nga?" ani ko sa kanila.
"Oo nga po, Ma'am Ria," sagot naman ni Nida bago ipinagpatuloy ang paglalabas ng mga plato mula sa cabinet.
Ako nama'y nagtitimpla ng kape namin ni Daemon at gatas ng mga bata. Si Yaya Erlinda ay nasa laundry sa likod-bahay at naglalaba na.
"Naabutan ko po silang nag-uusap kagabi ng masinsinan dito sa kusina," paliwanag ni Nida at
