TINIIS ni Hannah na huwag dalawin sa kulungan nito si Marcos ng dalawang araw. Gusto niyang masiguro na kaya nang kontrolin ng binata ang emosyon nito. Nasa kusina siya at inaasikaso ang pagkain ng mga preso. Nagulat siya nang biglang bumukas ang pinto. Napalingon siya sa biglang pumasok. Si Leslie pala na nagkakandarapa.
“Hannah, bakit hindi mo dinadalaw si Marcos? Ayaw niyang kumain. Dalawang araw na niyang hindi kinakain ang pagkain na binibigay sa kanya. Hindi rin siya umiinom ng dugo. Ayaw niya akong kausapin. Si Marco lang ang kinakausap niya,” balisang balita nito.
Ginupo siya ng kaba. “Kasi, Ma’am, baka masanay si Marcos na palagi ko siyang dinadalaw,” dahilan niya.
“Then talk to him! Huwag mo nang pahirapan ang anak ko! Kung ayaw mo sa kanya, layuan mo siya! Kaya siya nasasana
