***** RUCIA *****
“ANO bang binabalak mong gawin, prend?” kinabahang tanong ni Rucia dahil kahit um-oo siya na tutulungan niya si Cara ay wala naman siyang ideya kung ano ang laman ng isipan nito.
“Gusto kong paglaruan din sila,” tumatag ang boses na hayag ni Cara. Napakatalim na ng tingin nito pero lagpas naman sa kanya. Sa kawalan... sa kawalan ito nakatingin na tila ba pinapanood nito roon ang dalawang taksil na sina Eunice at Evo.
Makahalugang nagkatingin sila ni Nang Masing.
“Makakaalis na kayo. Gusto ko munang mapag-isa,” hanggang sa pagtataboy na nga sa kanila ni Cara. Napakahina pero naghuhumiyaw sa lungkot.
“Cara, hindi ka namin iiwan,” pagtanggi ni Nang Masing. Masuyong inabot nito ang kamay ni Cara pero binawi naman ni Cara.
“Oo nga, Cara,” ayuda niya. Tahimik lamang na
