***** CARA *****
PAHATING gabi na naman ngunit nanatiling nakatayo si Cara sa pintuan ng kanilang bahay. Kanina pa siya roon at hinihintay ang pagdating ng kanyang asawa. Wala naman siyang naiisip na kung ano, wala ring kaba dahil sanay naman na siya na walang saktong uwi si Evo. Sa klase ng trabaho ng kanyang asawa na sobrang busy sa opisina ay lubos niyang nauunawaan.
Ang ipinagtataka lang niya ay wala man lang siyang natanggap na mensahe na mali-late ito ng uwi.
“Padaan, anak,” excuse sa kanya ni Nang Masing. May bitbit itong itim na plastic bag.
“Saan ka, nang? Bakit hindi ka pa natutulog?” Sinabihan na niya kasi kanina pa ang matanda na matulog na.
“Naalala ko kasi itong mga basura. Baka hindi ako magising bukas ng maaga,” sagot ni Nang Masing.
“Gano’n po ba.” Napatilingin si
