***** CARA *****
“OH, BAKIT parang busy ka na sa pag-iimpake, besh? Akala ko ba ay mamaya na pagdating ko riyan?” takang tanong ni Eunice sa kanya. Naririnig yata sa kabilang linya ang mga hinahawi niyang mga damit dahil sa tunog ng mga hanger.
“Hindi, besh. Tinitingnan ko lang kung anong mga dadalhin kong damit namin ni Evo at kung ano ang iiwan,” aniya na ngiting-ngiti. Itinuloy nila ngayon ang pag-uusap na sadyang pinutol nila kahapon dahil naghahapunan sila ni Evo. Tinawagan niya ang kaibigan nang muli siyang magising sa saglit na namang pagkakatulog kanina.
“O siya, ipagpatuloy mo ‘yan kung gano’n at malapit na ang klase ko. After this ay diretso na ako riyan,” paalam na ni Eunice.
“Okay. Be careful driving later,” paalala naman niya at pinatay na ang tawag. She put down her phone
