***** NANG MASING *****
“MAAYOS naman ang pakiramdam ko ngayon, Nang. Bakit po?” sagot ni Cara sa kakaibang tanong ni Nang Masing. Ang aga-aga kasi ay kinukumusta siya ng matanda na animo’y nahuhulaan na may mangyayaring hindi maganda ngayon sa kanya. Kinabahan tuloy siya.
Sandaling nag-isip si Nang Masing. “May sasabihin at ipapakita kasi sana ako sa’yo pero baka kung anong mangyari sa’yo.”
She put down the book she was reading. Sumandal sa kinauupuan. Kaya naman pala pinuntahan siya rito sa study room ni Nang Masing dahil may mahalaga itong sasabihin. Nauunawaan na niya. Pagsasabihan dapat kasi niya ito dahil malinaw naman na noon pa na ayaw na ayaw niyang naiistorbo kapag nagbabasa siya. Ugali na niya simula pa estudyante siya at tumindi pa noong naging guro na siya. Kaya nga nang na
