Kanina pa siya nakatulala nang umalis na si Inigo at maiwan siya mag isa sa penthouse. Ilang araw pa lang mula ng makabalik siya ng San Juan pero parang ni minsan hindi pa nagpahinga ang isip niya na puno ng problema.
Pag alis kanina ni Nathan naiwan silang dalawa ni Inigo, at puro matatamis na salita at pangako ang narinig niya mula kay Inigo. Aaminin niyang napakasarap sa kanyang pandinig ng bawat pag bigkas ng mga salita nito, para siyang dinuduyan at para siyang nasa alapaap. Pero bakit wala siyang maramdamang kilig? Bakit hindi kumakabog at bumibilis ang t***k ng kanyang puso? Bakit walang excitement at bakit parang hindi niya naramdaman ang saya? Napakalayo pag si Nathan ang nagsasalita kahit hindi matamis o pangako sa kanya, kahit nga galit pa ito sa kanya ay nakakaramdam pa rin s
