Sa wakas ay nakabalik na ang Mama ni Aqua at Tito George nito galing sa kanilang honeymoon. Sobrang na-miss ni Aqua ang kanyang Mama kaya mahigpit niya itong niyakap.
"Marami kaming pasalubong sa'yo anak, lalo na ang Tito mo. Sabi niya ang tagal niyang nangarap na magkaroon ng anak na babae. Kaya alam mo ba mas excited pa siyang bumili ng para sa'yo kaysa sa akin!" Tuwang-tuwang sabi ni Alona.
"Pakisabi po, salamat!" Masayang turan ni Aqua saka nito tiningnan ang mga pasalubong na para sa kanya.
May mga damit, alahas, pabango, bags at shoes pati sandals. At alam niyang mamahalin ang lahat ng iyon. Parang hindi niya yata kayang isuot at gamitin ang lahat ng iyon.
"Hindi ka ba natutuwa anak?" tanong ni Alona nang mapansing tika matamlay ang dalaga.
"Natutuwa Mama. Pero, may gusto sana a
