HALOS ARAW-ARAW NASA bahay ni Blue ang kaibigan nitong si Greg pero hindi pa rin ito nanliligaw sa dalaga dahil gusto pa nitong makilala nang lubos si Alexa. Hinayaan niya ang kaibigan, walang pagtutol. Sa nakalipas na ilang araw, kitang-kita na niya ang biglang pagkinis ng katawan ni Alexa. Lalo itong gumanda simula noong tumira ito sa bahay niya. Medyo nabawasan na rin ang kaingayan nito at pansin na rin niyang marunong na rin itong makipag biruan kay Greg at walang kamalay -malay sa balak ng kaibigan niya. Nag laki nang pagbabago nito kumabaga nuon. Siguro sawa na rin ito sa pagbubunganga niya.
Isang gabi, hindi niya inaasahang papasyal si Greg sa bahay niya. Mag a-alas otso na ng gabi iyon kaya gulat na gulat siya sa kaibigan. Minuto pa lang ang nakakaraan nakita na niyang nakikipag
