"Tanghali na Salome ah, bakit hindi pa bumababa si Devon? Nag-almusal na ba 'yun?" turan ng ama nitong si Satur.
"Hindi pa," sagot agad ni Salome na naghahanda na ng pagluluto para sa kanilang pananghalian.
"Hindi ko nga pinuntahan sa kwarto niya, baka 'kako nagbabawi ng pahinga at sobra pagod nila kahapon. Naku Satur, kung napanood mo lang ang anak mo, ang galing, napakahusay."
"Pagod kasi 'ko kahapon. Malay mo naman maging totoong artista ang anak natin, edi sa TV ko na lang siya panunuorin," tugon ni Mang Satur habang nagdududutdut ng cellphone niya.
"Naku Satur, mas gusto kong matinong trabaho ang mapasok ng anak natin."
"Para namang sinabi mong hindi matino ang pag-aartista ah."
"Hindi sa ganu'n, ang ibig kong sabihin eh 'yung pirmihan. Eh kapag artista, darating at darating ang
