Nang mga sumunod na araw, pansamantalang itinuon ni Devon ang sarili para sa nalalapit nitong pagtatanghal. Umaasa siyang magkakaroon pa ng pagbabago sa nalalabing araw bago humarap si Rosario sa Engkantuta.
Naging mapagmatyag naman si Aling Salome sa pamilya ni Rosario. Kung dati-rati'y hanggang sa tapat lang ng kanilang bakuran ang ginagawa niyang pagwawalis sa umaga, pero simula nang malaman niya ang totoong katauhan ng mga ito ay kusa na siyang dinadala ng mga paa niya sa harapan ng bahay ng mga ito dahil sa kanyang kuryosidad.
Nasaktuhan namang naglilinis din ng bakuran ang mag-asawang Fidel at Lucila nang napadako na naman si Aling Salome kung saan abot-tanaw siya ng mag-asawa.
"Salome." malakas na tawag ni Mang Fidel nang masulyapan niya ito.
Iiwas pa sana si Aling Salome suba
