"Mano nga po 'nay." bungad ni Devon pag-uwi ng bahay kasama si Rosario na sumunod din sa pagmamano.
"Kaawaan kayo ng Diyos. Oh, maaga ka yata nauwi? Akala ko may praktis ka? Buti magkasama kayo?" sunod-sunod na tanong ni Along Salome habang papasok sila ng sala.
"Hindi ako um-attend 'nay." malungkot na tugon ni Devon.
"Aba eh bakit? M-may problema ba? Bakit ganyan itsura mo? Ay teka nga, magmeryenda kayo, naglaga ako ng saging na saba. Rosario nagkakape ka ba?" turan ni Aling Salome.
"Ah opo. Tulungan ko na po kayo." tugon nito.
"Naku 'wag na, para 'yun lang. Sandali lang ha." Mabilis namang tumayo si Aling Salome at tumungo ng kusina.
"Sigurado ka na ba dito Devon?" may pangambang tanong ni Rosario.
"Rosario, baka sakaling makatulong sa 'tin kapag nalaman na ni Nanay ang totoo. Ano
