Malungkot na nilisan ng mag-asawang Fidel at Lucila ang Pangasinan dahil sa natuklasan nitong pagbagsak ng kanilang negosyo. Halos hindi na ito nakakabenta dahil may nagtayo na mas malaking antique shop malapit sa kanilang pwesto.
"Paano na 'yan Fidel. hindi naman ganuon kalaki ang ipon natin sa bangko. Saka nakalaan 'yun sa pag-aaral ni Rosario. Nakakatakot namang ipagsapalaran natin 'yun sa naiisip mong negosyo." malungkot na turan ni Lucila habang lulan ito ng kanilang kotse.
"Kanina ko pa iniisip 'yan Lucila. Mamaya na lang natin pag-usapan sa bahay, hindi ako makapag-isip ng maayos habang nagda-drive." tugon ni Mang Fidel na may pag-aalala din ang tono nito. "Tawagan mo na lang si Rosario na magluto na ng hapunan at nagugutom na 'ko. Kahit magprito na lang kamo ng dinaing mong bangu
