CHAPTER 45
Pagkarating nila sa ospital ay agad na itinakbo sa emergency room si Ronniel. Gustuhin niya man na sumunod upang siguruhin na maayos ang kalagayan nito ay hindi niya nagawa. Agad na siyang iginaya ng kanyang ama, kasama na si Rafael, upang mapatingnan din sa mga doctor.
"Ronniel would be okay, Arianna. So relax now, hija," saad ng kanyang ama nang mapansin nitong balisa pa rin siya at nakasunod pa ng tanaw sa mga kasamahan nilang siyang sumama kay Ronniel.
"Importante din na matingnan kayo ng apo ko. I wanna be sure na maayos din kayo ni Rafael," dagdag pa nito at inalalayan na siya sa kanyang paglalakad.
Tuluyan na siyang nagpaakay sa kanyang ama at nauna nilang pinatingnan ang kanyang anak. Maliban sa ilang galos, na malamang ay nakuha ni Rafael sa walang ingat na pagkarga
