THIRD PERSON
DALA ang isang bag na naglalaman ng limamg milyong piso ay mabilis na sumakay ng kaniyang sasakyan. Inilapag niya ang bag sa tabihan sabay galit na tumingin sa unahan ng sasakyan. Kinuha niya ang cellphone sa bulsa't tiningnan ang sinend ng kidnapper sa kaniya. Iyon ang address kung saan siya pupunta. Kaagad niyang pinatakbo ang sasakyan upang mabilis na makadating sa lugar na iyon.
Lumipas ang mahigit kalahating oras ay nakarating na siya. Muli niyang kinuha ang bag at lumabas ng sasakyan.
Nasa harap siya ngayon ng isang malaking bahay na may kalumaan na. Nang tingnan niya ang numero sa gate ay nagtugma iyon sa sinend ng kidnapper sa kaniya.
Bago iyon ay tinawagan niya muna ang mga pulis para sa seguridad. Ayaw niyang gawin iyon at baka mapahamak lang sila pero ayon ang
