NAGING paksa pa rin nila ni Devey ang tungkol kay Rios. Humingi siya ng payo kung paano matatalo ang katulad ni Rios.
“Pero ang totoo, lamang ka pa rin kay Rios dahil hindi ka nasusunog sa araw. Kaya kung ako sa ‘yo, makikipagkita ako sa kanya sa isang lugar kung kailan nalalapit na ang pagsikat ng araw. Or isama mo ako para kahit gabi ay magkakaroon ng solar light. Puwede rin si Derek, kaso wala akong tiwala sa kanya,” sabi ni Devey.
“Hindi papayag si Rios sa ganoong setup. Alam niya ang kahinaan niya kaya bakit siya papayag sa ganoong setup?” aniya.
“Nadale mo. Pero kasi kung maghihintay ka lang kung kailan siya susugod, mangangamote ka. Si Rios puwedeng maging paniki, o kahit maging lamok at papasok sa academy. Puwede siyang matunaw at sumabay sa hangin para makalusot sa maliliit na
