Matamlay na naglalakad si Aya habang bitbit ang isang maliit na box ng cake. Pambihirang buhay! Matapos siyang sigaw-sigawan ni Yuan ay daig pa niya ang isang bata na binigyan ng cake ng fiancé nito bilang pampalubag loob. Pagpasensyahan na daw niya si Yuan dahil gano'n daw ito, laging mainit ang ulo.
Naglalakad lang siya papunta at pauwi galing sa trabaho kahit medyo malayo at ilang establishments pa ang madadaanan, idagdag pa ang sa tantya niya ang dalawang kilometrong kalsada papasok sa subdivision ng bahay nila.
Kung noon ay matayog na nakatayo ang bahay nila sa pusod ng dating subdivision na tinitirhan nila, ngayon ay bahay nila ang pinakamaliit.
Pabor din sa kanya ang maglakad dahil nadadaanan niya ang sementeryo kung saan nakahimlay ang ama. Tuwing umaga ay bumibisita niya ang p
