“Kenzo!” dinig niyang sigaw ni Aila nang suntukin sa mukha si Jeremiah na agad nitong ikinabagsak sa sahig. Hindi lang naman si Aila ang napasigaw sa gulat kundi pati na ang iba pang naroon na gulat na gulat sa ginawa niya kay Jeremiah.
Hindi naman ito ang unang beses niyang manakit ng ka-frat member, pero ang gulat ng mga taong naroon ay talaga namang unexpected. Marahil hindi inaasahan ng mga ito na si Jeremiah ang makakalaban niya this time.
Kilala rin si Jeremiah sa frat nila, lalo na’t isa din itong galing sa mayamang pamilya sa kanilang bayan. Isama pa ang uri ng trabaho nito habang nag-aaral. Sikat na modelo si Jeremiah, pero wala siyang pakialam sa bagay na iyon. Galit siya dahil pinakikialaman ni Jeremiah ang pagmamay-ari niya.
Yes, para sa kanya, pagmamay-ari niya si Aila.
