Kahit naman ayaw niya, wala siyang karapatang tumanggi kay Kenzo na isama siya sa Fisher Building. Nais rin naman ng Papa nito at ng Don na sumama siya para may mai-report siya sa Don mamaya. Ang kotse ni Kenzo, mabango at malamig. Ang aircon, sumasagitsit nang mahina.
Nalula siya sa laki at taas ng Fisher Building na ngayon pa lang niya nakita mula nang makarating sa bayan ng San Juan. Nakita pa lang niya ito sa Google dahil kilalang building ito, kaya madali itong ma-search. Ang salamin ng gusali, kumikislap sa araw. Ang tanging masasabi niya, napakaswerte ni Kenzo. Dahil pagdating ng araw, ito na ang magpapatakbo sa malaking kompanya. Ang mga tao sa paligid, nakatingala sa gusali na parang simbahan.
“Sumunod ka lang sa akin, Aila,” saad sa kanya ni Kenzo nang makababa na sila ng sas
