Pagdating sa parking lot ng University, napansin niyang naroon si Jake at ilan pang frat member. Wala si Raven at Jeremiah kaya medyo nakahinga siya nang kaunti.
Kahit naman break na si Kenzo at si Raven, dapat pa rin siyang umiwas kay Raven. At baka siya ang pagbuntungan ng galit ni Raven sa pakikipag-break ni Kenzo dito. Ang isip niya, nagbilang ng panganib.
“Si Jake,” bulong niya kay Kenzo nang mapatay na nito ang makina. Ang boses niya, mahina para silang dalawa lang ang makarinig.
“Huwag mo silang pansinin,” balewalang tugon nito. Mga kaibigan kasi nito ang mga naroon kaya okay lang dito na balewalain ang mga ito. Isama pang wala naman talagang pakialam at kinatatakutan ang isang Kenzo Fisher. Ang kumpiyansa ni Kenzo, parang pader.
“Tara,” anyaya nito sa kanya. Ang kamay ni Ke
