SINDAK na napalingon si Greg Robinson nang maramdaman nito na hindi ito nag-iisa sa silid na iyon. Mula sa dilim ay unti-unti lumitaw si Eliza. Seryoso ang mukha.
Nagmamaneho na siya pauwi sa mansyon ni Corbin nang hindi siya mapakali. Paulit-ulit na pumapasok sa kanyang utak ang matalim na mata ni Greg Robinson habang nakatitig sa anak ni Mr. Fujima. Naramdaman niya na hindi ito tutupad sa pinag-usapan nila kaya bumalik siya at nakumpirma nga niya na tama ang kanyang hinala dahil nadatnan niya ito na tinutukan ng baril si Cherry Fujima.
Ang usapan nila ay gagawin nilang pain si Cherry upang magkaharap-harap sila ni Mr. Fujima. Nagkaisa sila na patumbahin ang Mafia dahil titiwalag na raw ito sa grupo, pero hindi na yata ito makapaghintay na matikman ang paghihiganti.
Mahinahon siyang u
